Turqia ka në plan të ndërtojë një bazë detare në veri të Qipros turke,tha të martën gazeta Yeni Safak.
Gazeta, e cila është e lidhur ngushtë me Presidentin turk Rexhep Tajip Erdogan, tha se marina turke tashmë ka paraqitur një kërkesë në Ministrinë e Jashtme për të filluar procedurat për të gjetur një vend "të përshtatshëm" në ishull për të ndërtuar bazën.
Gazeta tha se baza ishte e nevojshme pasi vendet e tjera - duke përfshirë Mbretërinë e Bashkuar, SHBA, Spanjën, Italinë, Kanadanë, Danimarkën, Portugalinë, Belgjikën, Gjermaninë dhe Greqinë - po përdorin luftën në Siri si pretekst për të ruajtur një prani në Mesdheun Lindor .
Analistët thonë se nëse konfirmohet raporti, kjo mund të komprometojë përpjekjet për të zgjidhur mosmarrëveshjet rreth Qipros, shkruan gazeta greke Ekathimerini. Përgatiti SYRI.net
© SYRI.net