Presidenti i Turqisë, Recep Tayyip Erdogan, dy ditë më parë,  është takuar me homologun serb Aleksandar Vuçiç,  i cili ka qëndruar në Turqi për dy ditë.

Erdogan i ka rezervuar një pritje të jashtëzakonshme mikut të tij serb duke dalë personalisht në aeroportin e Stambollit për ta pritur. Më pas dy krerët e shteteve kanë vazhduar takimet në Ankara ku më së shumti është folur për raportet ekonomike ndërmjet dy vendeve. Por, së pari Erdogan, është kujdesur që të nxjerr gardën për ta nderuar Vuçiçin, pak para se hyjë në kompleksin presidencial.

Por, ajo që ka bërë përshtypje është një tëeet i Erdogan i cili ka shkruar në gjuhën serbe për t’i uruar Presidentit  serb mirëseardhje në Turqi. Ky tëeet po qarkullon ende nëpër rrjete sociale.

 “I uroj mirëseardhje zotit President Aleksandar Vuçiç në vendin tonë. Bashkë e kemi treguar vullnetin tonë që t’i avancojmë marrëdhëniet e Turqisë dhe Serbisë dhe besoj se marrëdhëniet tona dhe investimet në periudhën e ardhshme do të ecin shpejtë” ka shkruar Erdogan.