Pasi fitoi Kupën e Botës në Katar në një finale dramatike kundër francezëve, kombëtarja e Argjentinës u rikthye në atdhe. Asaj iu bë një pritje spektakolare në Buenos Aires, me kapitenin Lionel Messi dhe shokët e skuadrës duke përshëndetur tifozët nga një autobus panoramik.

Në një moment, një lodër fluturoi drejt Messit nga turma e madhe e tifozëve argjentinas, dhe kur lojtari më i mirë i të gjitha kohërave, sipas shumë njerëzve, e kapi atë, doli të ishte Breshka Ninja. Messi vetëm qeshi dhe ua hodhi lodrën tifozëve.

They gave Messi a ninja turtle 😭😭😭 pic.twitter.com/ZeiKGEhhi2

— J 🇦🇷 #SupportLocal #SouthgateOut (@Two_Pradista) December 20, 2022

Me shumë mundësi ka qenë një provokim në kurriz të shokut të tij të klubit Kylian Mbappe, pamja e cilit në internet krahasohet prej vitesh me personazhet e famshëm të filmave vizatimorë nga seriali për fëmijë: “Breshkat Ninja”. Mbappe shënoi një hat-trick në finale kundër Argjentinës, por nuk i mjaftoi atij për të fituar titullin e dytë të Kupës së Botës.