Ylli i LA Lakers, LeBron James, ka folur për finalen e madhe të Botërorit.

Argjentina dhe Franca do përballen sot në kuadër të finales së Kampionatit Botëror.

Leo Messi kërkon të fitojë trofeun e vetëm që i mungon në kabinetin e tij madhështor.

Franca në anën tjetër me në krye Kylian Mbappe shkojnë për të mbrojtur titullin kampion.

Përpara këtij super-takimi ka komentuar edhe LeBron duke thënë se mezi pret të shohë magjinë e dy yjeve të PSG-së.

“Mezi pres të shoh dy nga më të mirët që kanë luajtur ndonjëherë atë sport”, u shpreh basketbollisti.

Finalja në mes Argjentinës dhe Francës luhet sot, nga ora 16:00.