I pyetur në një konferencë për shtyp në lidhje me deklaratat e fundit të Kylian Mbappe në lidhje me nivelin e futbollit të Amerikës së Jugut, Emiliano Martinez, portieri i albicelestëve, nuk ngurroi t'i përgjigjet sulmuesit francez. Një mënyrë edhe për të nisur finalen e madhe , këtë të dielë në orën 16:00. Kujtojmë se asokohe, Kylian Mbappe foli për favoritët e tij në Kupën e Botës, duke theksuar një ndryshim të dukshëm në favor të vendeve të kontinentit të vjetër.

“Avantazhi që kemi ne evropianët është se luajmë mes vete me ndeshje të nivelit të lartë gjatë gjithë kohës, siç është Liga e Kombeve për shembull. Kur të arrijmë në Kupën e Botës, jemi gati. Brazili dhe Argjentina nuk e kanë këtë nivel në Amerikën e Jugut. Futbolli nuk është aq i avancuar sa në Evropë. Kjo është arsyeja pse në Kupat e Botës së fundit, janë gjithmonë evropianët ata që kanë fituar ”, siguroi kampioni i botës 2018.

Por, nuk ka munguar përgjigja e gardianit të Argjentinës, i cili u shpreh:   “Ai nuk di mjaftueshëm për futbollin, nuk ka luajtur kurrë në Amerikën e Jugut. Nëse nuk e keni këtë përvojë, nuk mund të komentoni. Por nuk është asgjë. Ata e dinë që ne jemi një ekip i klasit botëror dhe na respektojnë për këtë ”, u përgjigj portieri.