Organizatorët e Kampionatit Botëror në Katar kanë konfirmuar vdekjen tragjike të sigurimit John Njau Kibue, i cili pësoi një rënie të rëndë në stadiumin ‘Lusail’ të shtunën, pak pasi u organizua ndeshja çerekfinale mes Argjentinës dhe Holandës.

Ngjarja e rëndë pason lajmin e hidhur që doli në orët e para të mëngjesit të së shtunës se gazetari amerikan Grant Ëahl fatkeqësisht humbi jetën teksa raportonte për ndeshjen në zonën e mediave.

Personi që punonte si punonjës sigurimi shkoi në kujdesin intensiv pasi ra nga ajo që u përshkrua nga një dëshmitar si ‘një lartësi e konsiderueshme’.

Një tjetër burim i tha ‘The Guardian’ se viktima kishte rënë nga çatia e stadiumit pranë hyrjes ‘Gate 30’.

Kibue, një 24-vjeçar nga Kenia, u dërgua me urgjencë në spitalin Hamad ku më vonë u konfirmua se ai ishte në gjendje kritike para se të shpallej tragjikisht i vdekur të martën.

Në një deklaratë nga Komiteti Suprem për Dorëzimin dhe Trashëgiminë thuhej: ‘Të shtunën më 10 dhjetor, John Njau Kibue, një roje sigurie në stadiumin Lusail, pësoi një rënie të rëndë ndërsa ishte në detyrë. Ekipet mjekësore të stadiumit shkuan menjëherë në vendngjarje dhe ofruan trajtim urgjent përpara se të u transferua në njësinë e kujdesit intensiv të Spitalit Mjekësor Hamad me ambulancë’.

‘Me keqardhje ju njoftojmë se, pavarësisht përpjekjeve të ekipit të tij mjekësor, ai fatkeqësisht ndërroi jetë në spital të martën më 13 dhjetor, pasi ishte në repartin e terapisë intensive për tre ditë. Janë informuar të afërmit e tij. I dërgojmë ngushëllimet tona të sinqerta familjes, kolegëve dhe miqve të tij gjatë kësaj kohe të vështirë’.

‘Organizatorët e turneut të Katarit po hetojnë rrethanat që çuan në rënien si një çështje urgjente dhe do të japin informacione të mëtejshme në pritje të rezultatit të hetimit. Ne gjithashtu do të sigurojmë që familja e tij të marrë të gjitha detyrimet dhe paratë e papaguara’, thuhet në njoftim.

Statement from the Supreme Committee for Delivery & Legacy. pic.twitter.com/WoSUpgdtbN

— SC News (@roadto2022news) December 14, 2022

Incidenti ndodhi vetëm disa ditë pasi u zbulua se një shtetas filipinas i kontraktuar vdiq në bazën stërvitore të Arabisë Saudite më herët gjatë turneut.

Punëtori, i cili po përpiqej të rregullonte dritat në një parkim makinash në Resortin Sealine, thuhet se ka rënë me kokë së pari në beton pasi humbi ekuilibrin ndërsa po ecte në një rampë pranë një automjeti.

Nasser al-Khater, shefi ekzekutiv i Kupës së Botës në Katar, shkaktoi polemika të mëdha pas tragjedisë kur deklaroi në përgjigje të incidentit: ‘Vdekja është një pjesë e natyrshme e jetës – qoftë në punë, qoftë në gjumë’.

Kuptohet se të paktën 6,500 punëtorë migrantë kanë vdekur në Katar që kur fituan të drejtën për të organizuar Kampionatin Botëror në vitin 2010.

Vdekja e fundit e rojes së sigurisë Kibue jep një kujtesë në kohë se ka gjak në tokën e tetë stadiumeve të Botërorit në Katar.

Roger Pearce, drejtori teknik i ITV Sport, gjithashtu ndërroi jetë në Katar më herët gjatë turneut.