Braziliani Neymar thotë se nuk është i sigurt nëse do të luajë për ekipin kombëtar në një tjetër Kupë Botërore pas humbjes mahnitëse të skuadrës së tij ndaj Kroacisë në ndeshjen e tyre çerekfinale të premten.

Neymar, duke luajtur në Kupën e tij të tretë të Botës për Brazilin numër një, shpërtheu në lot pasi Marquinhos goditi shtyllën në penallti, duke i dhënë Kroacisë një fitore 4-2 .

“Sinqerisht, nuk e di,” u tha Neymar, 30 vjeç, gazetarëve në Al Rayyan, Katar, pas humbjes zemërthyese.

“Mendoj se të flasësh tani është  keq për shkak të momentit tw nxehtw. Ndoshta nuk po mendoj drejt. Të them se ky është fundi, do të nxitoja , por as nuk garantoj asgjë. Le të shohim se çfarë do të ndodhë në vijim”, raportoi rrjeti sportiv ESPN.

Neymar kishte lënë të kuptohet në nëntor se Katari mund të jetë Botërori i tij i fundit.

“Nuk mund të garantoj se do të luaj një tjetër Kupë [Botërore]”, tha ai për rrjetin brazilian Globo.

 “Sinqerisht nuk e di. Do të luaj sikur të ishte e fundit. Ndoshta do të luaj një tjetër, ndoshta jo. Varet. Do të ketë një ndryshim në trajner dhe nuk e di nëse ai trajner do të më pëlqejë”.

Humbja dërrmuese e Brazilit mbylli një ditë të hidhur për Neymar, sulmuesin e Paris Saint-Germain, goli i të cilit në pjesën e parë, e vendosi Brazilin në krye për momentin, e barazoi atë me Pelen si golashënuesi më i mirë i të gjitha kohërave të vendit të tij. 

Ishte goli i tij i 77-të në 124 ndeshje ndërkombëtare.

"Dua ta kaloj këtë kohë për të menduar për të, për të menduar për atë që dua për veten time," tha ai.

“Nuk do ta mbyll derën për të luajtur me Brazilin dhe as nuk them 100 për qind se do të kthehem”.

30-vjeçari e gjeti rrjetën dy herë në Kupën e Botës, goli i tij i parë erdhi në 1/16 në ndeshjen 4-1 të Brazilit ndaj Koresë së Jugut, pasi ai mungoi në dy ndeshje të fazës së grupeve për shkak të një dëmtimi në kyçin e këmbës që pësoi në ndeshjen hapëse të ekipit kundër Serbisë .

Neymar ishte planifikuar të ekzekutonte goditjen e pestë dhe vendimtare të Brazilit nga penalltia, por portieri kroat Dominik Livaković ia mohoi mundësinë pasi mbylli Rodrygo dhe gjuajtja e Marquinhos goditi shtyllën.

“Ai duhet të kishte marrë penalltinë e pestë dhe vendimtare”, u tha gazetarëve trajneri brazilian Tite.

 “Lojtari me më shumë cilësi dhe aftësi mendore është ai që duhet të jetë në krye në momentin kur presioni është i lartë.”

Tite, i cili ka drejtuar ekipin brazilian për gjashtë vitet e fundit, njoftoi dorëheqjen e tij si trajner pas humbjes dërrmuese ndaj Kroacisë.

“Cikli ka përfunduar dhe unë e mbaj fjalën time”, tha Tite, 61 vjeç, pas ndeshjes së së premtes.

“Ka profesionistë të tjerë të mëdhenj që mund të më zëvendësojnë mua. Kur portieri i tyre [e Kroacisë] [Dominik Livaković] është lojtari më i mirë në fushë, loja po flet me ju. Duhej të ishim më efektivë në arritjen e golave. Por a tregoi Brazili më të mirën e tij? Në përgjithësi, po.”

Neymar, i cili ende nuk ka ngritur një Kupë Bote, pavarësisht një karriere të njohur, ishte një komponent vendimtar i ecurisë çerekfinale të Brazilit në Rusi katër vjet më parë, kur skuadra u mund nga Belgjika.

Ai ka fituar dy tituj të La Liga, katër tituj të Ligue 1, një trofe të Champions League dhe një Copa Libertadores.

Mbrojtësi veteran i Brazilit, Dani Alves , i cili ngushëlloi Neymarin në fushë pas ndeshjes me Kroacinë, gjithashtu njoftoi se do të tërhiqej nga loja ndërkombëtare, por tha se do të vazhdojë të konkurrojë në ligat e klubeve.

Në një nga momentet më prekëse pas ndeshjes, djali i sulmuesit kroat Ivan Perisić nxitoi për të ngushëlluar një Neymar të përlotur ndërsa ai dhe Alves përqafuan njëri-tjetrin në mesfushë.

Leo Perisić, Ivan’s son, running over to console Neymar Jr in tears. 🇧🇷🇭🇷 #Qatar2022

This video is simply great 🤍🎥 pic.twitter.com/xJeIn1Rxmv

— Fabrizio Romano (@FabrizioRomano) December 9, 2022