Një mësues nga Nju Jorku është bërë milioner pasi fitoi një milion dollarë falë një basti të çmendur në Kupën e Botës në Katar.

Mësuesi, emri i të cilit nuk është publikuar në media, besonte te kombëtarja e futbollit maroken, ndonëse nuk njihte asnjë futbollist të “Luanëve të Atlasit”.

Amerikani ka vënë bast 91 mijë dollarë se Maroku do të kalojë në çerekfinale të Kupës së Botës. Plotësisht sensacionale, kombëtarja afrikane bëri pikërisht këtë dhe arriti suksesin më të madh në historinë e saj dhe i solli mësuesit të ri një milion dollarë fitime.

Action Network e kontaktoi dhe ai në një intervistë tregoi se nuk po e shikonte rezultatin live, por ishte në klasë.

"Kam kontrolluar telefonin tim herë pas here, por nuk e kam parë ndeshjen. Nuk dija asgjë për Marokun. Nuk i di emrat e asnjërit nga lojtarët. Nuk do të gënjej se e dija se çfarë po ndodhte. Në fund të fundit ishte një bast me fat”, tha mësuesi.

Ai shpjegoi strategjinë e tij fituese. Ai besonte se Maroku ishte nënvlerësuar, sepse askush nuk do të vinte bast mbi ta dhe investoi një shumë të madhe te kombëtarja afrikane.

Kujtojmë se Maroku tashmë ka arritur suksesin më të madh në Katar. Në grup, skuadra mundi dy skuadrat e favorizuara të Kroacisë dhe Belgjikës dhe më pas eliminoi Spanjën në fazën e 1/8-ve të Kupës së Botës.