Ajo që dukej e pamundur ka ndodhur. Belgjika mbetet jashtë Botërorit të Katarit. “Djajtë e kuq” nuk mundën të shkonin më shumë se një barazim 0-0 me Kroacinë, në ndeshjen e vlefshme për raundin e tretë të fazës së grupeve në Kupën e Botës, me kombëtaren ballkanike që ia doli të renditet e dyta pas Marokut që zuri vendin e parë në grup.
Gjatë 90 minutave, belgët arritën të krijonin raste për gol, por Romelu Lukaku u tregua i pasaktë duke mos arritur të tund rrjetën e kundërshtarëve.
Maroku dhe Kroacia do të luajnë të hënën dhe të martën ndeshjet e fazës së 1/8-ave, por rivalët do të zbulohen sonte pas përfundimit të ndeshjeve në Grupin E.
© SYRI.net