Lionel Messi dhe Robert Lewandowski ndanë një moment së bashku gjatë mbrëmjes së kaluar.
Shtatë herë fituesi i "Topit të Artë", Leo Messi, me Argjentinën e tij mposhtën kombëtaren e Polonisë me rezultatin 2-0.
Pas ndeshjes, Messi dhe Lewandowski patën një bisedë të përbashkët.
Gazetarët pyetën Messin se cila ishte biseda e tyre, por morën një përgjigje të papritur.
“Më mësuan se çfarëdo që ndodh në fushë, qëndron në fushë. Dhe e njëjta në dhomat e zhveshjes”, ka thënë Messi, i pyetur për bisedën me Levën.
“Asgjë nga ato që biseduam privatisht nuk del jashtë prej meje”, ka shtuar argjentinasi.
Pati disa spekulime që Messi e injoroi Lewandowskin gjatë ndeshjes, por biseda e tyre në fund hodhi poshtë gjithçka.
© SYRI.net