Lajmi i fundit

LIVE-SYRI TV/ TASK FORCE: Historia e pavarësisë, a i dimë të gjitha?

Kush është Hajime Moriyasu, arkitekti i fitores së Japonisë ndaj Gjermanisë në Kupën e Botës

Kush është Hajime Moriyasu, arkitekti i fitores së Japonisë ndaj Gjermanisë në Kupën e Botës

11:46, 24/11/2022
A+ Aa A-

Japonia ishte ajo që zuri kryetitujt e të gjithë planetit të futbollit me fitoren e saj historike 2-1 ndaj Gjermanisë në Kupën e Botës “Katar 2022”.

 Skuadra aziatike dinte t'u bënte ballë sulmeve të vazhdueshme të skuadrës europiane dhe afër fundit e përmbysi rezultatin falë vertikalitetit dhe shpejtësisë kur shkelte në fushën kundërshtare. Pas këtij suksesi duhet theksuar roli i trajnerit Hajime Moriyasu, i cili pas përfundimit të pjesës së parë hodhi në fushë dy autorët e golave: Ritsu Doan dhe Takuma Asano.

Pas përfundimit të pjesës së parë, Moriyasu ndryshoi modulin taktik dhe kreu një seri zëvendësimesh.

Ai e ndryshoi skemën nga 4-2-3-1 në një 3-4-3 për të gjeneruar kërcënimet sulmuese, që në fund dhanë efekt, pasi skuadra e tij ia doli të fitonte ndaj katër herë kampionëve të botës.

Image

Por kush është Hajime Moriyasu, trajneri i Japonisë në Kupën e Botës “Katar 2022”?

Hajime Moriyasu, është një ish-mesfushor japonez, ka qenë pjesë e ekipit për pesë vite rresht. Ai asistoi Akira Nishino në Kupën e Botës në Rusi katër vjet më parë, teksa Japonia humbi nga Belgjika në 1/8-tat.

Në vitin 2012, Moriyasu filloi të punojë si trajner për ekipin e tij të mëparshëm, Sanfrecce Hiroshima. Ai gëzoi një qëndrim të frytshëm, duke fituar kampionatin e J1 League tri herë. Për më tepër, ai e nxorri Hiroshiman në vendin e tretë në Kupën e Botës për Klube 2015.

Kur iu dha detyra për të drejtuar ekipin U-23 në vitin 2017, 54-vjeçari iu bashkua stafit teknik të Japonisë. Ai zuri vendin e Nishinos në vitin 2019 para Kupës së Azisë AFC. Ai udhëhoqi “Samurait Blu” në finalen e kampionatit kontinental, ku Japonia u mund nga Katari.

Që atëherë, ai ka riorganizuar skuadrën dhe lista e Kupës së Botës 2018 përfshinte lojtarë që ishin më të mëdhenj se 25 vjeç. Vetëm tre lojtarë nga turneu i mëparshëm, Yuto Nagatomo, Maya Yoshida dhe Hiroki Sakai, mund të mbanin vendet e tyre në listën e tij prej 26 anëtarësh për Kupën e Botës në Katar. Moriyasu u përball me reagime të forta për këtë vendim, veçanërisht pasi Japonia u rendit e katërta në Lojërat Olimpike të Tokios.

Image

© SYRI.net

Lexo edhe:

Komentet

Shto koment

Denonco