Për të dhjetën ditë radhazi qytetarët kanë vazhduar protestën e tyre, ku kanë kërkuar largimin e kryeministrit Edi Rama. Agjencia ndërkombëtare e lajmeve Reuters ka transmetuar në kohë direkte protestën për ditën e dytë rresht. Si zakonisht në kryeqytet, qytetarët nisën marshimin e tyre nga sheshi Skënderbej dhe më pas janë drejtuar drejt godinës së Kryeministrisë.
Protestuesit në fjalimet e tyre kanë akuzuar qeverinë si të zhytur në korrupsion, teksa kanë kërkuar dorëheqjen e menjëhershme të kryeministrit Edi Rama.
Protestave antiqeveritare i është bashkuar edhe qyteti i Lezhës, ku për ditën e parë qindra qytetarë janë mbledhur duke kërkuar largimin e shefit të qeverisë shqiptare.
Ndërkohë, edhe në Fushë-Krujë, me thirrjet për dorëheqjen e kryeministrit Edi Rama, qytetarët janë ngritur për ditën e parë në protestë.
Qytetarët korçarë kanë vazhduar protestën e tyre për ditën e pestë me radhë, teksa me thirrjet për dorëheqjen e qeverisë dhe largimin e kryeministrit Rama kanë marshuar nga Pedonalja e qytetit.
Protestat kundër kryeministrit Rama dhe qeverisë së tij kanë vazhduar edhe në Elbasan, Gjirokastër, Lushnjë, Krujë dhe qytete të tjera.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
'Jepe dorëheqjen!' Marshimi protestë kundër Ramës në Tiranë nuk ndalet as pas 5 orësh
VIDEO/ Protesta, shoferët u bashkohen qytetarëve duke iu rënë borive të makinave
'Rama në burg'/ Protesta e qytetarëve nëpërmjet pankartave kundër qeverisë: Populli nuk fal