Lajmi i fundit

LIVE/ Qytetarët tubim në mbështetje të liderit të opozitës Sali Berisha

Rohde për masat ndaj Kosovës: Tani është në dorën e shteteve anëtare

Rohde për masat ndaj Kosovës: Tani është në dorën e shteteve anëtare

09:37, 20/06/2024
A+ Aa A-

Ambasadori i Gjermanisë në Kosovë, Jorn Rohde, ka thënë se masat e Bashkimit Evropian ndaj Kosovës duhet të hiqen dhe gjithçka varet tani e tutje nga takimi që do të mbahet në Bruksel.

Rohde ka deklaruar se është në duar të shteteve anëtare se cili do të jetë vendimi përfundimtar që do merret në raport me Kosovën, sa i përket vendosjes së masave nga BE-ja.

“Ky është një diskutim që duhet bërë në Bruksel, ne do të duhet të shohim mirë se çfarë do të vendosin. Tani është në dorën e shteteve anëtare, mendoj se i posaçmi  i BE-së për dialogun ishte dje në Kosovë, ai dha mendimet e tij, masa duhet të hiqen, të shohim se çfarë vjen”, ka thënë Rohde për Ekonomia Online.

Në vizitën e tij në Kosovë, pas takimit me zëvendëskryeministrin, Besnik Bislimi, emisari Miroslav Lajçak u deklarua për media ku tha se arsyeja e vizitës së tij në Prishtinë ka qenë për të diskutuar rifokusimin në procesin e normalizimit dhe se çfarë hapa duhet të ndërmerren tutje.

Më tej, kishte theksuar se në takim me Bislimin diskutuan për përshpejtimin e Marrëveshjes Bazike, por edhe për çështjen e Planit të Rritjes.

“Çështja e dytë që e diskutuam ishte Plani i Rritjes, që është një instrument i ri financiar i BE-së që po ofrohet me 6 miliardë euro investime”.

“Por, për Kosovën e Serbinë ky disbursim i fondeve është i kushtëzuar me angazhimin konstruktiv në dialog dhe këtu jam unë ai që duhet të bëjë këtë vlerësim për konstruktivitetin. Mu për këtë kemi diskutuar se si të arrijmë te vlerësimi pozitiv”, tha Lajçak./ EO

© SYRI.net

Lexo edhe:

Komentet

Shto koment

Denonco