Lajmi i fundit

TASK FORCE/ Si do shkohet në zgjedhjet e 2025?

Rama - Xhafaj nisin në mënyrë të njëanshme punën në Komisionin e Posaçëm

Rama - Xhafaj nisin në mënyrë të njëanshme punën në Komisionin e Posaçëm

14:27, 18/06/2024
A+ Aa A-

Partia Demokratike është deklaruar kundër pjesëmarrjes në një Komision të Posaçëm Antikorrupsion në formën se si e ka nisur mazhoranca. Opozita ka deklaruar se ky komision nuk është ngritur me transparencë dhe në mënyrë të njëanshme nga Partia Socialiste.

Kuvendi e miratoi me forcën e kartonëve, me 74 vota pro, duke mos kërkuar konsensur. Ky komisioni mori vetëm votat e mazhorancës, ndërsa shumica e demokratëve nuk morën pjesë në votim. 

Pas konstituimit të Komisionit të Posaçëm Parlamentar për Mirëqeverisjen, Sundimin e Ligjit dhe Antikorrupsionin, sot ka zhvilluar mbledhje pjesa bërthamë e Sekretariatit Teknik të këtij komisioni pranë Kuvendit.

Nën drejtimin e kryetarit Fatmir Xhafaj janë ndarë disa detyra që lidhen me punën organizative të komisionit dhe zbatimin e vendimeve që u morën në mbledhjen e parë të tij.

Sekretariati është duke përgatitur shkresat që do të dërgohen pranë institucioneve të pavarura që krijohen dhe japin llogari te Kuvendi (Avokati i Popullit; Kontrolli i Lartë i Shtetit; Komisioni i Prokurimit Publik; Inspektorati i Lartë i Deklarimit dhe Kontrollit të Pasurive dhe Konfliktit të Interesave; Autoriteti i Mbikëqyrjes Financiare; Autoriteti i Konkurrencës; Instituti i Statistikave), për të përcaktuar ekspertët dhe përfaqësuesit që do të punojnë me 3 nëngrupet e Komisionit të Posaçëm: Mirëqeverisja, Sundimi i Ligjit dhe Antikorrupsioni.

E po kështu do të ketë kërkesa zyrtare nga komisioni për organizatat e shoqërisë civile, institucionet akademike publike e private, si dhe një ftesë për organizatat ndërkombëtare për bashkëpunim, asistencë dhe ekspertizë.

© SYRI.net

Lexo edhe:

Komentet

Shto koment

Denonco