Iriqi:-Po shoh krahët që i ke plot njolla. T’i bën gruaja apo Rama?
Balla:-I bëj vetë, more. Në çdo një orë pickohem keq. Nuk pushoj.
Iriqi:-Pse?
Balla:-Se nuk besoj që jam ministër. Aq më shumë ministër i Brendshëm.
Iriqi:-S’beson nga që nuk e meriton?
Balla:-Po qe për meritë as Rama nuk duhet të jetë në krye. Se me një dalje nudo veç në Shqipëri merr vota.
Iriqi:-Opozita thotë se krimi në vend ka njohur veç rritje.
Balla:-Thuaj shyqyr me kaq. Pritej rritje më shumë.
Iriqi:-Pse më shumë?
Balla:-Se çdo vrasës apo vjedhës te ne ka në krah ose një deputet,ose një ministër. Sa mëson policia për x grabitje dhe nuk e arreston shkaktarin unë uluras.
Iriqi:-Dhe?
Balla:-Dhe më thonë,nuk e fusim dot në burg se ky na sjell vota. Dorëzohem. Po fat i mirë që këta keqbërës nuk janë aq të egër. Vrasin psh një të pafajshëm në ditë e me kaq e mbyllin. Se mund të korrnin nga 6 a 7 në ditë e s’ke ç’iu bën.
Iriqi:-Po ti pse s’jep dorëheqje atëherë?
Balla:-Dhe po dhashë dhe po s’e dhashë ministrin nuk e pjerdh kush. Policia varet nga Rama, gjykata nga Rama, kadastra nga Rama…
Iriqi:-Po nga ty kush varet?
Balla:-Deri dje varej shoferi.
Iriqi:-Pse deri dje?
Balla:-Se tani gruaja solli shofer një kushëririn e saj. Pra tani varem unë nga shoferi.
Iriqi:-Si e shtyn ditën atëherë?
Balla:-Marr në celular këta hajdutët. U lutem të më sjellin ndonjë gjë dhe mua. Me rrogë nuk shtyhet. Janë zemërgjerë çunat. Më kanë sjellë ca torba me euro.
Iriqi:-Në 2025 do blini sërish vota?
Balla:-Jo. Nuk do blejmë. Populli do i blejë vetë. Se ne tani ia marrim votën me lekët e buxhetit. Pra ua blejmë me lekët e tyre. Ndaj krijuam inceniratorët.
Iriqi:-Dmth shtyn kohën në zyrë?
Balla:-Dhe shoh Reis Çiçon. Profesionist i vërtetë. Jep lajme për mua dhe si nuk qesh fare ai njeri! Bravo!
Iriqi:-Ke ndonjë ëndërr?
Balla:-Po. Dua të fitoj një çmim OSCAR.
Iriqi:-Do luash në ndonjë film?
Balla:-Jo, jo. Dua ta fitoj një Oscar, por pa luajtur fare në film. Se po luajta e kam të sigurt në xhep. Ik Iriq se doli Reiz Çiço e do flasë për mua. Ik!
© SYRI.net