Presidenti i PL, Ilir Meta, po i mëshon gjithnjë e më fort edukimit sportiv të rinisë, pavarësisht se realiteti duket i zymtë.

"Dita Botërore e Futbollit, - shkruan ai në Fb. -  na kujton sot nevojën për më shumë fusha sportive pa pagesë, në Tiranë dhe kudo në Shqipëri, në mënyrë që djemtë por edhe vajzat, të luajnë dhe të stërviten, sidomos ata që e kanë ëndërr të veshin me krenari fanelën e Kombëtares Kuq e Zi! Nuk ka rini pa sport dhe as sport pa rini!" nënvizoi ai dhe shtoi edhe këtë foto të tijën, që ilustron faktin se është një tifoz i papërmbajtshëm i futbollit.