Kryetari i FRPD-së, Besart Xhaferri, e ka quajtur skandaloz vendimin e Gjykatës për aktivistët e protestës së fundit: Kevin Vidrica, Bernard Metaliaj, Franc Kaloshi dhe Artan Muçmata, vendim që i privon nga pjesëmarrja në tubime.
Me anë të një statusi në rrjetin social Facebook, Xhaferri shkruan se ky është një vendim politik, i cili ka qëllim dekurajimin e popullit, për të mos marrë pjesë në protesta.
Postimi i plotë:
Skandaloz ishte vendimi i Gjykatës për aktivistët tanë Kevin Vidrica, Bernard Metaliaj, Franc Kaloshi dhe Artan Muçmata, që veç detyrimit të paraqitjes i privon edhe nga pjesëmarrja në tubime.
Ky vendim politik ka vetëm një qëllim me prapavijë të pastër politike, dekurajimin e njerëze tanë për të mos marrë pjesë në protestat kundër dyshes Rama Veliaj dhe ky vendim i paprecedentë bie ndesh me Kushtetutën.
Aktivistët tanë u rrëmbyen si të ishin Baronë të krimit duke u terrorizuar edhe familjet, por në fakt ata janë gardianë të taksave publike që po zhvaten nga Veliaj dhe shpura e tij.
Ne nuk do t'i braktisim njerzit tanë në përballjen me drejtësinë dhe Policinë Politike të Edi Ramës.
Të premten në orën 11:00 do jemi sërish në sheshin para Bashkisë kundër AliBabës së Kryeqytetit dhe hajdutëve të tij!
© SYRI.net