Belind Këlliçi, koordinatori politik i PD për Tiranën,  ka ngritur disa pyetje domethënëse lidhur me tentakulat e korrupsionit që kanë mbështjellë bashkinë e Tiranës, ku pesë drejtorë dhe bashkëpunëtorët më të ngushtë të kryebashkiakut Eriin Veliaj tashmë janë arrestuar për grabitjen e fondeve publike.  

“Si ka mundësi që në bashkinë e Tiranës, të kemi të vetmin institucion, ku drejtorët befas janë biznesmenë?! Se këta janë të gjithë biznesmenë! – tha Këlliçi në emisionin Kafe Shqeto në SYRI TV.

“Si ka mundësi që dikush të shkojë në punën e shtetit, ora 8 - 17:00 apo 9 - 17:00, të paguhet 700 mijë lekë të vjetra, ja po ta bëj dhe qejfin 800 mijë lekë të vjetra dhe ndërkohë të ketë biznese që bëjnë 1 milionë euro?!

Pra, si mund t’i shpenzosh tetë orë të ditës në punën zyrtare të shtetit për t’u paguar 700 euro në muaj dhe ndërkohë gjatë vitit të fitosh 1 milion, 2 milionë, 3 milionë euro me tendera me punë publike?! Si mundet?!

Logjika është fare e thjeshtë: shkojnë në punën e shtetit për të garantuar që lekët e shtetit t’ia çojnë privatit që kanë hapur vetë, kompanive që kanë hapur vetë.

Prandaj u duhet ndikimi në shtet, prandaj u duhet zyra e zyrtarit të shtetit për të shkuar dhe për të futur duart në procedura publike, për t’i marrë lekët dhe çuar në bizneset e veta.

Ky lloj modeli vjedhjeje, për hir të së vërtetës, në Shqipëri dhe në Tiranë nuk është parë kurrë. Kjo ëhstë hera e parë që ne hasemi me këtë lloj vjedhjeje. Është e padëgjuar, e pahasur, e paimagjinuar!

Flavio: A mund ta krahasoj Veliajn me Krojfin (Johannes Cruijff)?! Ai ka pasur futbollin total, Veliaj - skemën...

Këlliçi: Ky ka vjedhjen totale! Ia paske gjetur fiks!”/ar.sh/SYRI.NET