Kryeministri Edi Rama mbajti fjalën hapëse në samitin mes Ballkanit Perëndimor dhe Bashkimit Europian.

Nga pas këtë herë nuk ishte Aleks Soros, por superministri i tij, Blendi Gonxhe.

Ky i fundit është akuzuar vazhdimisht nga opozita shqiptare si figurë simbol e korrupsionit në vend.

Ndërkohë Rama përpara të pranishmëve vazhdoi të kërkojë ndihma nga Bashkimi Europian.

“BE është tani më e gatshme të na ndihmojë të në bëjë pjesë të konstelacionit të saj. Nuk duhet të humbasim këtë dritare mundësie,” tha Rama.

“Në planin e ri të rritjes, është e qartë ose duhet të marrim hapat e nevojshme për të ecur para, ose të dështojmë për të zënë një vend për t’u ulur në tryezën e BE. Ekonomitë tona nuk mund të lulëzojnë duke penguar lëvizjen e lirë. Ose bëjmë paqe për të punuar për begatinë tonë, ose e kundërta na pengon,” shtoi Rama.

Kujtojmë se zyrtari i Edi Ramës që duhej të merrej me agjencinë që menaxhon ndihmat e huaja, aktualisht është nën hetim nga SPAK për abuzim me këto ndihma. Bëhet fjalë për Ilir Beqajn.

Po ashtu, qeveria e Ramës është nën hetim nga autoritetet në Bruksel për abuzime me ndihmën e dhënë nga BE për fermerët.