Rama me sa duket po i dorëzohet më në fund presionit të Erdoganit, duke mbyllur disa prej shkollave te lëvizjes Gylen në Shqipëri.
Lufta “për pastrimin e mbetjeve në Shqipëri” të klerikut Fetullah Gylen, të cilën Ankaraja e akuzon për veprimtari terroriste dhe si përgjegjëse të grushtit të dështuar të shtetit në vitin 2016, ishte pjesë e diskutimeve që u zhvilluan të martën në mbrëmje, 20 shkurt në Ankara ku kryeministri Edi Rama ishte në një takim zyrtar me Presidentin turk Tayyip Erdogan.
Jashtë selisë së PS-së i pyetur nga gazetarët Rama tha se janë mbyllur e do të vijojnë të mbyllet çdo institucion arsimor që nuk respekton ligjet, duke i 'rrëshqitur' temës së pyetjeve.
Kujtojmë se pak muaj më parë Rama mbylli kolegjin ‘Mehmet Akif' duke u justifikuar se vendimi u mor, pasi kanë shitur godinën ku kishin lejen e aktivitetit shkollor dhe kanë hapur aktivitetin pa marrë lejen sipas ligjit.
© SYRI.net