Deputetët e Partisë Demokratike, vijuan turin e bashkimit në një takim me demokratë dhe qytetarë të Devollit. Sekretari i Përgjithshëm I Partisë Demokratike Flamur Noka dhe kreu I grupit parlamentar të PD, Gazment Bardhi, vijuan takimet në bashkinë e Devollit, duke ftuar qytetarët ti bashkohen protestës së opozitës më datë 20 shkurt. Noka theksoi se ditën e martë, të gjithë duhet të protestojnë për të shprehur revoltën ndaj qeverisë Rama.
Nga ana tjetër kreu i grupit parlamentar të Partisë Demokratike, Gazment Bardhi, kërkoi ndjesë për gabimet e lidershipit të PD, duke shprehur bindjen se e bashkuar opozita do ti fitojë zgjedhjet e 2025.
Thirrjen për t’ju bashkuar, opozitës në bulevardin dëshmorët e kombit, pasditen e 20 shkurtit e përsëriten dhe deputetë demokratë të qarkut të Korçës, të cilët renditën arsyet që kanë qytetarët sot për të protestuar kundër qeverisë.
Nga Devolli, sekretari I përgjithshëm i PD, Flamur Noka dhe kreu I grupit parlamentar të PD, Gazment Bardhi vijuan turin e takimeve në Korçë, ku folën edhe për skenarët e protestës së 20 shkurtit.
© SYRI.net