Situata e vështirë që po kalojnë blegtorët e vendit, dhe kryesisht ata të jugut të Shqipërisë, ka bërë që të ata të ngrihen në protestë dhe të bllokojnë totalisht rrugën e Kardhiqit.
Blegtorët kanë bërë thirrje që në rast se nuk merren masat e nevojshme, protesta do të përshkallëzohet derisa sa të protestojnë në Tiranë përpara kryeministrisë.
Blegtorët kundërshtojnë uljen e çmimit të qumështit dhe në shenjë proteste kanë derdhur qindra litra qumësht në rrugë.
"Këta duan të na zhdukin, është e qëllimshme kjo situatë me bujqësinë. në rast se nuk merren hapat, ne do të shkojmë në Tiranë dhe kryeministri ashtu siç e bën bota. Misri që kemi mbjellë është me 20 lekë, përse të vijëi misri i serbit këtu dhe misri jonë të mbetet pa shitur?", tha një blegtor.
Një blegtor tjetër tha se janë në prag falimentimi dhe të rinjtë, që janë baza kryesore e kësaj pune, do të ikin në emigrim.
"Nëse nuk zbatohen pikat kryesore që ne kërkojmë, do të kalojmë në faliment dhe të gjithë të rinjtë, që janë baza e kësaj pune, do të marrin rrugën e emigracionit dhe do të kapitullojë gjithçka. Duhet të merren në konsideratë pikat kryesore që të mos falimentojmë."
© SYRI.net