Qytetarë të shumtë u mblodhën sërish në protestë mbrëmjen e së shtunës përpara shtëpisë së liderit të opozitës, Sali Berishës, i cili gjendet i arrestuar. Demokratët përcollën mesazhe njeri pas tjetrës për të theksuar vendosmërinë e qendresës së tyre.

Kryetari i PD i ka publikuar fjalimet me video njerin pas tjetrit, si ky në vijim, i z. Dorjan Teliti, i cili e nisi me fjalët: “Një falënderim nga zemra për të gjithë ju, për qëndresën tuaj shumëditore, e cila i ka dhënë përgjigjen e duhur Edi Ramës dhe gjithë klikës në pushtet që opozitë ky vend ka dhe opozita është në këmbë dhe o sot, o kurrë, ne do t’i japim përgjigjen e merituar kësaj qeverisjeje të korruptuar, kësaj qeverisjeje që ka marrë gjithë Shqipërinë në qafë”.