Juristja Adriana Kalaja ka kallëzuar në Strukturën e Posaçme Antikorrupsion anëtaren e Gjykatës Kushtetuese, Marsida Xhaferllari për shpërdorim detyre dhe ushtrim të ndikimit të paligjshëm. Pas dorëzimit të padisë penale, Kalaja bëri me dije se Xhaferllari e cila është bashkëjetuesja e Enkelejd Alibeajt, ka marrë pjesë në darkat festive të organizuara nga Lulzim Basha, si dhe shtoi se anëtarja e Gjykatës Kushtetuese iu ka bërë presion gjyqtarëve të tjerë që të pranojnë kërkesën e Bashës për marrëveshjen e refugjatëve.
SYRI TV
Juristja Adriana Kalaja ka kallëzuar në SPAK anëtaren e Gjykatës Kushtetuese Marsida Xhaferllari për shpërdorim detyre dhe ushtrim të ndikimit të paligjshëm, pas pamjeve të shpërndara në rrjetet sociale, në të cilat duket qartë se ajo është pjesë e darkave festive të organizuara nga Lulzim Basha. Kalaja u shpreh se Xhaferllari, e cila është bashkëjetuesja e Enkelejd Alibeajt duhet të shkarkohet pasi procesi i vettingut ka përcaktuar rregulla të qarta për bashkëjetesën.
Nga SPAK, pasi dorëzoi padinë penale, Kalaja denoncoi faktin se anëtarja e Gjykatës Kushtetuese, Marsida Xhaferllari iu ka bërë presion gjyqtarëve të tjerë që të pranojnë kërkesën e Bashës për marrëveshjen e refugjatëve.
Adriana Kalaja bëri me dijse se i ka dërguar kërkesë KPA-së dhe Institucione te tjera kompetente që të nisin procedimin disiplinore ndaj anëtares së Gjykatës Kushtetuese, Marsida Xhaferllari.
© SYRI.net