Sekretari i Përgjithshëm i Punëve të Jashtme të Kenias, Korir Sing’oei, është ngatërruar këtë të dielë, pasi ndau një postim në rrjetet sociale, ku përshkruante se sa i privilegjuar ishte të takonte presidentin shqiptar Bajram Begaj në Dubai, Emiratet e Bashkuara Arabe.

Sing'oei njoftoi se priti presidentin Begaj përpara një takimi me Presidentin Ëilliam Ruto në margjinat e Konferencës së 28-të të Palëve (COP28) të Konventës Kuadër të Kombeve të Bashkuara për Ndryshimet Klimatike (UNFCCC).

“I privilegjuar të pres Bajram Begaj, President i Shqipërisë, përpara takimit të tij me Presidentin Ruto në Dubai në margjinat e CoP28”, shkroi Sekretari Kryesor në X, platforma e njohur më parë si Twitter, në orën 12:57.

Por fotoja që i ka bashkangjitur postimit, e tregonte duke i buzëqeshur Edi Ramës, kryeministrit të Shqipërisë, duke i bërë përdoruesit e rrjeteve sociale të vënë në dukje ngatërresën.

Gazetari kenian i politikës së jashtme, Mëangi Maina, citoi postimin e PS-së, duke thënë: "Ky është kryeministri i Shqipërisë Edi Rama, jo presidenti Bajram Begaj".

Sing’oei e fshiu postimin menjëherë dhe në orën 16:27 publikoi një tjetër postim që identifikonte kryeministrin Rama.

“I privilegjuar të pres Edi Rama, kryeministër i Shqipërisë, përpara takimit të tij me Presidentin Ruto në Dubai në margjinat e COP28”, shkruan Sing’oei në postimin e ri.

https://www.citizen.digital/news/egg-on-foreign-affairs-ps-singoeis-face-after-sharing-photo-with-albanian-pm-saying-it-is-albanian-president-n332488