Jamarbër Malltezi ironizoi skandalin e gllabërimit të tokave të familjes Begeja nga botuesi italian, Karlo Bolino.

Mbi 1 mijë metër katrorë nga ajo që ka marrë Bolino, i përket familjes së vjetër tiranase, Begeja.

Kurse nipi i tyre, Jamarbër Malltezi ka marrë thuajse 3 herë më pak, ose 410 metër.

“Nga toka e Begejsve, paska marrë 3-fish më shumë tokë Bolino nga Leçe sesa Ab Malltezi nga gjyshja!

Mos ka qenë gjë i birësuar Bolino te Begejsit e nuk dimë gjo?” ironizon Malltezi.

Opozita ka denoncuar aferën Rama-Bolino, e cila tregon se si kryeministri e bëri botuesin e oborrit të tij, pronar tokash në Tiranë, pikërisht në një zonë ku ishte planifikuar ndërtimi i një gjimnazi.

Edhe pse familjet e vjetra tiranase e kishin dhuruar këtë tokë në të mirë të komunitetit, ajo përfundoi në duart e gazetarit italian.