Nga Petrit Vasili

Kryehajduti i pronave Rama, po thotë kapeni hajdutin, pas dhjetë vjet vjedhje kolosale!

Kryehajduti serial i pronave Rama me gjoja dixhitalizimin po përgatit vjedhje të re masive të pronave.

Po ky Rama:

-Pasi vodhi edhe pronat e komuniteteve fetare.

-Pas vodhi egërsisht qindra prona pa fund të ushtrisë.

-Pasi vodhi pronat e pushtetit vendor, bile hoqi me ligj edhe votimin me shumicë të cilësuar për pronat e bashkive.

-Pasi vodhi mijëra e mijëra prona të qytetarëve të thjeshtë duke bërë mbivendosje të qëllimshme.

-Pasi vodhi, po vjedh dhe do të vjedhë me mijëra prona në bregdet.

-Pasi vodhi qindra prona në qendër të qyteteve duke prishur edhe rrugët e lulishtet për t'ua dhënë oligarkëve dhe vetes për të ndërtuar kulla.

-Pasi vodhi prona për investitorë gjoja strategjike, që nuk ishin asgjë tjetër përveçse ministrat dhe klientët e tij oligarkë e lloj-lloj hajdutësh dhe spekulantësh.

-Pasi vodhi qindra prona e prishi qindra banesa me gjoja sebepin se do kalonin rrugë apo investime publike.

-Pasi vodhi duke i lënë pa i regjistruar akoma mijëra prona në bregdetin e Jonit.

-Pasi drejtori i tij Lame tregonte masakrën ku vetëm në hipotekën e Durrësit në regjistrat mungonin 780 fletë, 243 faqe ishin të zëvendësuara, 569 faqe ishin të dubluara pra njëjta pasuri rezultonte dy herë, ku ishin 25 faqe të grisura dhe ku ishin 1548 faqe bosh.

Tani po ky Rama pas kësaj vjedhje kolosale makabër të pronave, që vazhdon, po na thotë se:

"Kadastra nuk është fole për qoka. Kadastra është penguar në mënyrë të vazhdueshme nga ju. Flas për kategorinë që ju përfaqësoni, deputetë, ministra dhe kryetarë bashkish".

Deputetet, ministrat dhe kryetarët e bashkive i ka firmosur që të gjithë Edi Rama me dorën e tij, bile edhe i ka riemëruar e rikandiduar po vete edhe kur hajdutëria e tyre ulërinte.

Mijëra leje ndërtimi me prona të vjedhura firmosën me ndërgjegje të plotë nga vetë Rama ne Këshillin e Rregullimit të Territorit të Republikës, ku është kryetar po vetë.

Vjedhja e re e pronave do të ketë emrin dixhitalizim.

Tani nuk do shqyejnë me fletët e regjistrave, por do t’i hakerojnë po këta vetë.

Pastaj do thonë që kjo ndodh në gjithë botën, pastaj do bëjnë sikur fajësojnë Iranin, dreqin dhe shejtanin, pastaj do bëjnë sikur luftojnë me hakeruesit, pastaj do vjedhin edhe miliona euro për gjoja mbrojtje kibernetike.

Në fund ajo që mbetet është se pronat do vazhdojnë të grabiten nga Rama dhe po ai vetë hajduti do te thotë kapeni hajdutin.