Në televizionin publik ka ndodhur një skandal i përmasave kombëtare.

Në emisionin e drejtuar nga gazetari Ilir Yzeiri i titulluar “ADN” është trajtuar situate në veriun e Kosovës. I formuar si editorial, ky emision ka si synim të trajtojë çështjet e ngjarjet në një këndvështrim specifik.

Por ajo që ka ndodhur në serinë kushtuar tensioneve në veri është mbi të gjitha një keqtrajtim i gjithë vuajtjeve dhe sakfrificës së vëllezërve kosovarë. Nën titullin “Kosova e tradhëtoi Klintonin- Në vend të paqes zgjodhi luftën”, gazetari dhe vetë RTSH ka mbajtur një qëndrim identik me palën e pushtetit në Serbi dhe mediat atje.

Askush deri më tani, madje as ndërkombëtarët që kanë qenë kritik me Kurtin, nuk kanë treguar gishtin vetëm te një palë në konfliktin në veri.

Në mënyrë skandaloze televizioni kombëtar i një shteti që e ka në Kushtetutë mbrojtjen e Kosovës, e cilëson këtë shtet si luftënxitës. RTSH dhe vetë gazetari duhet të kërkojnë urgjentisht falje për këtë trajtim mediokër dhe skandaloz të ngjarjeve në veri të Kosovës.

Po çfarë mund te presësh tjetër nga një dëshmitar në gjyqet e diktaturës, një ish-bashkëpunëtor i Sigurimit famëkeq të Shtetit. Kujtojmë se Ilir Yzeiri njihet si analist i Edi Ramës dhe punon në mediat më të zjarrta pro-pushtetit autokratik.