Qytetarë, aktivistë e studentë vizituan Akademinë e Studimeve Alnbanologjike duke kundërshtuar vendimin për mbylljen e institucionit dhe transferimin e instituteve te Akademia e Shkencave. Në një deklaratë për median ata e quajtën atë që po ndodh, luftë për institucione të pavarura, ndërsa kërkuan reflektim të thellë të shoqërisë.

SYRI TV

Qytetarë të angazhuar , përfaqësues të organizatave me në qendër arsimin dhe studentë vizituan Akademinë e Studimeve Albanologjike duke u shprehur kundër vendimit të qeverisë për mbylljen e veprimtarisë së institucionit dhe transferimin e të gjitha të drejtave e detyrimeve të saj te Akademia e Shkencave.  Aktivistët e quajtën projektvendimin për shkrirjen e ASA-s shkelje ligjore e marrëzi të qeverisë duke kërkuar reflektim të thellë shoqëror.

Sipas aktivistëvenjerëzit duhet të bashkohen në mbështetje të kauzave të tilla, ku kërcënohet pavarësia e kërkimit shkencor në Shqipëri dhe e ardhmja e të rinjve.