Fisnik Qosja, kandidati i opozitës për bashkinë e Kavajës, gjatë takimit me Forumin e Grave, ka vlerësuar rolin e tyre në demokraci. Ndërkohë, ai ka prezantuar edhe prioritet për këtë bashki, ndërsa ka denoncuar dhe presionin që po iu bëhet të rinjve nga mësues e drejtues të arsimit për të mos marrë pjesë në takimet e këtij koalicioni.
Nga SYRI TV
Kandidati i koalicionit opozitar për bashkinë e Kavajës, Fisnik Qosja, zhvilloi një takim me forumin e grave. Gjatë fjalës së tij, Qosja kujtoi një fragment të një ushtari, i cili i konsideronte gratë kavajase rebele që nuk tremben para asgjëje.
Qosja pati edhe një mesazh për drejtuesit e arsimit në Kavajë dhe mësuesit, të cilët i bëjnë presion nxënësve të mos shkojnë në fushatat e PD.
Ndërkohë, deputeti i PD-së, Ervin Salianji, akuzoi administratën e qytetit të Kavajës dhe patronazhistët, të cilët kanë përvetësuar apartamentet e familjeve në nevojë.
© SYRI.net