Emisioni investigativ "Piranjat", në Syri Tv, zbuluan një tender fiktiv të bashkisë së Devollit, prej 100 mln lekë.
Paratë e tenderit duhet të shkonin për rikonstruksionin e rrugëve të fshatrave dhe rrugëve bujqësore dhe shtrimi i tyre me çakull.
Por nga vëzhgimi në terren, asnjë prej fshatrave të parashikuar në planin e investimeve, nuk ka përfituar nga punimet e supozuara të firmës që fitoi tenderin, Rej sh.p.k.
Për më tepër, kryebashkiaku socalist, Eduard Duro humbi qetësinë nga zbulimi i skandalit dhe reagoi keq ndaj gazetares së "Piranjave".
Mirëpo, në vend që ai sot të ishte para organit të akuzës, Edi Rama e bekoi dhe i certifikoi emrin si kandidat të PS në 14 maj, për një mandat të dytë.
PS publikoi mbrëmjen e sotme emrat e kandidatëve për zgjedhjet vendore të 14 majit.
Në listën e kandidatëve bien në sy se 40 prej tyre janë kryebashkiakë aktualë.
Mes tyre, një numër i konsiderueshëm janë zyrtarë me probleme me ligjin, të paditur në prokurori, apo të marrë në pyetje nga SPAK për tendera me flamur të kuq apo abuzime të tjera me detyrën.
© SYRI.net