Mijëra shqiptarë iu përgjigjen thirrjes së Partisë Demokratike dhe partive opozitare, për një protestë kombëtare dhe masive në Bulevardin "Dëshmorët e Kombit", për largimin e Edi Ramës.
Skandali me Charles McGonigal, një ish-zyrtar i lartë i FBI i cili u korruptua nga kryeministri shqiptar për të goditur opozitën dhe PD-në përmes lobingjeve në SHBA, ka tronditur mbarë opinionin.
Produkt i këtij korrupsioni deri në qendrën e FBI është edhe shpallja non grata e kryetarit të Partisë Demokratike, Sali Berisha.
Korrupsioni, vjedhjet, abuzimet, varfëria ishin arsyet e forta që i shtynë shqiptarët t'i drejtoheshin sheshit të protestës të cilat, siç paralajmëroi kryedemokrati, do të jenë të vazhdueshme deri në largimin e Edi Ramës.
Syri.net sjell përmes pamjeve nga droni, me video, momentet më interesante nga protesta në Bulevardin "Dëshmorët e Kombit" ku siç edhe shihet, pjesëmarrja ishte ndër më të mëdhatë që është parë ndonjëherë.
Për tre orë me radhë qytetarët shqiptarë protestuan dhe i kërkuan dorëheqjen Edi Ramës i cili nisur nga aktakuza amerikane (përmendet 14 herë), duhet t'i dorëzohet departamentit të drejtësisë, pa imunitet diplomatik, për veprën e rëndë penale të korruptimit të zyrtarit të FBI.
Protesta e radhës do të jetë ditën e hënë në orën 17.00 para selisë së Parlamentit.
© SYRI.net