Kontratat koncensionare miliona euroshe  në shëndetësi po financojnë shërbime që nuk kanë në thelb trajtimin e sëmundjeve prioritare të rënda me kosto për qytetarët dhe që përfundojnë në fatalitete.

Të dhënat zyrtare të vitit 2021 të Ministrisë së Financave të analizuara nga Monitor evidentojnë se 4 kontratat koncensionare PPP në shëndetësi morën financime 30,8 milionë euro, në një kohë që fondet buxhetore për trajtimin e kancerit në të njëjtin vit sipas Ministrisë së Shëndetësisë ishin vetëm 23 milionë euro.

Fondet buxhetore për trajtimin e kancerit janë pak më të larta se shpenzimet për sterilizimin e sallave kirurgjikalë me kontrate PPP.

Për të folur më shumë rreth kësaj teme ishte i ftuar në ‘Kafe Shqeto’ në Syri Tv,  mjeku Ilir Alimehmeti, i cili i komentoi si shqetësuese shifrat të cilat, sipas tij, kanë dhe shumë mospërputhje duke u bazuar në raportet zyrtare.

“Të fillojmë më një pyetje paka të çuditshme kur e dëgjon duket si spekulim mediatik. Mijera, dhjetëra, jetë njerëzish mund të shpëtohen sikur mos të abuzohet ose të vendoset një politike banalisht e thjeshte, çfarë mund të mendojnë familjarët e atyre qytetarëve që po luftojnë betejën e jetës, që mund të ishte më e përballueshme për ata pacient.

Së pari duhet të shpresojmë më të mirën për ata që kanë këtë sëmundje të rëndë, me një prognozë të keqe nëse nuk trajtohet si duhet, por mund të shkojë mirë nëse trajtohet sa më herët. Nga ky aspekt kërkohet jo vetëm mbështetje por edhe fonde nga qeveria.

Sa janë fondet që jepen për parandalimin dhe diagnostikimin e hershëm të kancerit?

Sepse ne e dimë që 30 deri në 50% e humbjeve të jetës nga tumoret janë të parandaluese përmes diagnostikimit të hershëm dhe formave të parandalimit.  Në shifrat tona ka shumë mospërputhje, duke iu referuar raporteve zyrtare. Kur shikojmë raportin e INSTAT mbi humbjet e jetës, atë të 2021, thotë se ka 3430 humbje jetë, do të thotë 10 humbje jete në ditë dhe ky numër është në tendencë rritje. OBSH thotë që humbjet e jetës duhet të jenë rreth 1 ndër 6-të, që do të thotë se 5000 në shqipëri, që do të thotë se 1600 raste nuk janë fare te këto shifra. Po të fusim dhe këto shifra, atëherë bëhet më problematike. Rreth 16.8% e humbjeve të jetës, janë sëmundje dhe shenja të papërcaktuara, pra nuk dihet pse humb jetën.

Ministria nuk përcakton një shkak pse humbi jetën 1700 qytetarë? Për 5120 qytetarë që kanë humbur jetën në 2021, ku mes tyre janë dhe 1600 humbjet e jetës që sipas OBSH-së, duhet të jenë.

Nga 1000-1700 humbje jete mund të ishin të parandalueshme” u shpreh Alimehmeti.