Kryetari i Partisë së Lirisë, Ilir Meta, ka zhvilluar këtë pasdite një takim me strukturat e kësaj partie në Durrës.
Meta foli për projektin e Portit të Durrësit për të cilin tha se kemi të bëjmë me një korrupsion madhor dhe grabitje të pronës më strategjike të Shqipërisë .
Ish-Presidenti i vendit, Ilir Meta u shpreh se kryeministri Edi Rama është i kapur në flagrancë për grabitjen mafioze të këtij porti.
“Rama është i kapur në flagrancë për grabitjen mafioze të portit kombëtar të Durrësit si prona më e rëndësishme e Shqipërisë. Ia dha pronarëve të panjohur, kompani guackë. Asnjë shqiptar nuk e di ku po përfundon një pronë e tillë kolosale.
Ndërtim pallatesh e apartamentesh, nuk kemi të bëjmë me një projekt strategjik. Marinë e vogël me 280 vende parkimi. Gjithçka e orientuar tek përfitimi i apartamenteve. Prona e Portit të Durrësit po falet për apartamente dhe për korrupsion. Po shiten që tani në ajër, do falen miliona euro taksa.”-tha Meta.
© SYRI.net