Gazetarja Klodiana Lala komentoi në emisionin ‘A Show’ me Adi Krastën në Syri Tv dhunën ndaj kryetarit të Partisë Demokratike, Sali Berisha gjatë protestës ditën e martë në Tiranë.
Klodiana Lala tha se ngjarja është e paprecedentë pasi ndodhi së pari në një protestë paqësore ndërsa shtoi se duhet një hetim nga autoritetet.
Më tej ajo theksoi se pjesa më e dyshimtë e ngjarjes mbetet dokumenti për agresorin, për të cilin u tha se vuan nga probleme të shëndetit mendor.
"Ngjarje e rëndë e paprecedentë, ndodh në një protestë paqësore, ky incident ka nevojë për një hetim. Nxitimi për ta trajtuar kështu më lë shije të hidhur.
Kjo i përket autoriteteve, duhet një grup, është person që e ndërmori këtë veprim i vetëm apo jo. Kjo është e para që më bën përshtypje. Ky dokument nuk ka formën e duhur ligjore, por nga një klinikë private."-tha Lala.
© SYRI.net