Mjer populli i ndershm!02/12/2022 23:16

Ndërkombëtarët e dinë shumë mirë ça dreq vendi jemi, ose më saktë çfarë liderësh kemi. Po qe për fuqitë më të mëdha, ne gjithmonë i kemi pritur me lule, me lavde. Klasa politike nuk guxon t'i kundërvihet, se duke qënë të korruptuar dhe që kanë bërë zullume kur kanë qënë në pushtet, janë kokëulur. Sidomos Saliu tani që është nongrata. Këtë parim , pra lavdërimin dhe përuljen ndaj më të fortit, politikanët ia kanë mësuar dhe popullit. Se në Shqipëri jetohet si në xhungël, ku mbizotëron ligji i më të fortit. Kështu që, ndërkombëtarët e dinë shumë mirë se ku po vijnë të bëjmë samit. E vetmja gjë që mund t'i habisë, është ndonjë incident apo dhunë, përleshje mes policisë dhe protestuesve. Dhe kjo do ishte thelbi në fakt. Në histori (dhe në mediat ndërkombëtare do jehonte lajmi) do shënohej momenti psh kur policia tenton të shpërndajë protestuesit me gaz lotsjellës. Sepse në fakt, ndërkombëtarët po vijnë në Shqipëri, në një vend autokratik të korruptuar dhe shpopulluar, ku kryeministri ka kapur gjithë pushtetet dhe nga një anë favorizon median, e më pas e terrorizon atë me shkatërrim pronash. Ardhja e tyre në mandatin e tretë të Ramës, nuk ka as shumë sens, pasi ai kontrollon gjithë pushtetet.