Tërhiqet mazhoranca dhe iu jep 10 minuta kohën për të folur deputetëve të opozitës për një nga pikat e rendit të ditës, më të debatuarën, mega-aferën e Portit të Durrësit.

Pas debatit të fortë, ku deputetët e opozitës kërkuan të drejtën për të folur gjatë seancës për çdo pikë të rendit të ditës, kreu i grupit parlamentar të PS-së Taulant Balla kërkoi 5 minuta pushim për të marrë një vendim.

Pas diskutimit, Kuvendi vendosi t’u lërë në dispozicion deputetëve 10 minuta për të folur.

Ndërkohë, gazetari Andi Bushati ka ironizuar me mënyrën se si Belinda Balluku votoi në Kuvend për çështjen e Portit të Durrësit.

“Më katolike se Papa,” shkruan ai, duke postuar foton.