Grupi i deputetëve që udhëhiqen nga Enkelejd Alibeaj, kanë vendosur që të braktisin bisedimet për bashkimin e Partisë Demokratike.

Me anë të një deklarate për mediat, grupi Alibeaj-Bardhi shprehen se do të futen në zgjedhjet e 14 majit.

Në deklaratën e tyre ata shprehen se ‘anëtarët, simpatizantët dhe votuesit e Partisë Demokratike, janë të lodhur nga debati “kush është statuti në fuqi i Partisë Demokratike”. Ato kërkojnë zgjidhje për të unifikuar çdo zë opozitar përballë Edi Ramës në zgjedhje lokale.

Humbja e kësaj mundësie me kokëfortësi dhe duke injoruar situatën e rëndë që po kalon Partia Demokratike, nuk është në interes të qytetarëve dhe dobëson alternativën e opozitës në zgjedhjet lokale të 14 Majit’, shprehen në deklaratën e tyre, grupi Alibeaj. 

‘Nisur nga kjo situatë, Grupi Parlamentar i Partisë Demokratike ka kërkuar të informohet Kryesia e Partisë Demokratike, për ti hapur rrugë krijimit të të gjitha kushteve për përgatitjen dhe pjesëmarrjen e Partisë Demokratike në zgjedhjet e ardhshme vendore’, thuhet në deklaratën e grupit Alibeaj-Bardhi.