Kryetari i Partisë së Lirisë Ilir Meta ka hedhur akuza në drejtim të kryeministrit Edi Rama pas lirim të djeshëm të ish-deputetit socialist Alqi Bllako, i cili u arrestua për aferën 430 milionë euro të inceneratorëve.

Lirimin e Bllakos, Meta e ka quajtur një goditje fatale për sistemin e drejtësisë dhe një ekzekutim moral i saj i bërë me urdhër të Edi Ramës.

‘Lirimi i djeshëm i Alqi Bllakos është një goditje fatale për sistemin e drejtësisë. Është një ekzekutim moral i saj i bërë me urdhër të Edi Ramës, ashtu siç bën me amnistitë e tërthorta me oligarkët dhe ndërkohë fut në burg 82-vjeçaren nga Narta e Vlorës për kotecin pa leje’, shkruan Meta në Facebook.