Në “Ora e Betit” në RTV Ora avokati Eduart Halimi u shpreh se kur i miratuar në fillim reforma në drejtësi kishte një qëllimshmëri të mirë.

Ai theksoi se me vendimin e Strasburgut për gjyqtarin Cani, tani gjyqtarët dhe prokurorët që janë shkarkuar në mënyrë jo të drejtë kanë një vend ku mund të drejtohen.

Halimi: Kemi pasur një qëllim të mirë për reformën në drejtësi për të larguar gjyqtarët dhe prokurorët e korruptuar. Kjo ishte arsye pse të gjithë e miratuam reformën në drejtësi të gjithë në 2016, por zbatimi i saj pas këtij viti u bë në disa raste jo mirë dhe në raste të tjera keq.

Vettingu në disa raste është treguar selektiv dhe është një fakt ky tashmë. Është lajm i mirë ky për gjyqtarët dhe prokurorët e ndershëm. Vihet re se me një vendim të Strasburgut tashmë ka një dritare dhe kanë një hallkë që mund tu japë të drejtë nëse ligji dhe reforma zbatohet keq.