Kryetari demokrat, Sali Berisha, uroi sot kandidatët dhe votuesit në garën për kreun e Forumit Rinor Demokrat.

"Sot gara e të rinjve për liderin e FRPD. Urime të përzemërta të gjithë atyre që votojne sot dhe suksese kandidatëve që garojnë sot për kryetar të FRPD," shkruan Berisha.

Qendrat e votimit janë të ndara sipas degëve të Partisë Demokratike. Orari i votimit do të jete nga ora 08:00 deri në 18:00.

"Procesi i zgjedhjeve në FRPD ka një rëndësi të madhe për forcën politike ku të gjithë ne aderojmë. Vota na bashkon të gjithëve dhe e shtuna do të jetë një ditë bashkimi," shkroi Berisha një ditë më parë.