Kryeministri Edi Rama mblodhi kryebashkiakët në një forum, me fokus menaxhimin e mbetjeve. Rama justifikoi milionat e dhëna për inceneratorët si investime që kanë pastruar vendin, ndërsa kërkoi nga bashkia e Lezhës t’i bashkohet përpunimit të mbetjeve, përmes riciklimit.
Nga SYRI TV
Kryeministri Edi Rama organizoi një forum me kryebashkiakët për menaxhimin e mbetjeve, ku la jashtë fjalës së tij, problematikën me inceneratorët, duke justifikuar milionat që po hetohen nga SPAK, si investime që pastrojnë Shqipërinë. Madje kryeministri i bëri thirrje bashkisë së Lezhës që t’i bashkohet përpunimit të mbetjeve dhe të mos mjaftohet vetëm me pastrimin e tyre.
I pranishëm në forum ishte edhe ambasadori gjerman Peter Zingraf, i cili, teksa përfaqëson një shtet që ka investuar në fushën e mbetjeve, i kujtoi Kryeministrit se legjislacioni i Shqipërisë në këtë sektor lë për të dëshiruar dhe nuk është në përputhje me direktivat e BE.
Nga ana tjetër, Ministrja e Turizmit, Mirela Kumbaro, paralajmëroi se fokusi i radhës për qeverinë do të jetë zhvillimi i procesit të riciklimit.
© SYRI.net