Lajmi i fundit

LIVE SYRI TV/ Këndi i Pano Sokos: Shqiptarët që ikin

Rama zbythet nga rritja e çmimit: Fasha 800 KWH nuk hyn në fuqi

Rama zbythet nga rritja e çmimit: Fasha 800 KWH nuk hyn në fuqi

11:04, 30/09/2022
A+ Aa A-

Kryeministri Edi Rama ka lajmëruar se fasha prej 800 KWH për konsumatorët familjarë nuk do të hyjë në fuqi në tetor.

Ai ka nisur zbythjen nga rritja e jashtëzakonshme e çmimit të energjisë elektrike.

"Burimet tona energjitike varen nga reshjet. Sistemi ynë energjitik me hidrocentrael plot e përplot plotëson 75% të nevojave tona për energji. Ne po ecim sipas planit për të plotësuar nevojat 100% të vendi. Por hë për hë nuk i plotësojmë dot të gjitha nevojat dhe do të vazhdojmë të dalim në tregun ndërkombëtar aty ku goditen të gjitha vendet e Evropës nga çmimet e larta. Unë dhe qeveria jemi këtu për të mbrojtur çmimin dhe për të mos lënë asgjë pa bërë, që barra faktike dhe psikologjike e kësaj lufte dhe inflacionit që ka sjellë të lehtësohet sa më shumë".

"Jam këtu për t’ju thënë që kam një lajm pozitiv. Ditët e fundit kemi pasur përmirësim të nivelit në Fierzë dhe presim që të materializohen parashikimet për reshje të tjera. Në këto kushte, bazuar në një analizë të detajuar si dhe angazhimin e plotë për të shfrytëzuar çdo mundësi që krijohet, ne vendosëm që aplikimi i fashës 800 KWH të mos hyjë në fuqi në muajin tetor," tha Rama.

"Më 1 shtator kur vendosëm fashën, kërkesa për energji nga KESH-i ishte rreth 17 mijë, sot është 11 mijë kilovat/orë. Kjo kërkesë ishte ndjeshëm më e lartë se sa ç’është sot dhe në këtë ulje të ndjeshme ka luajtur rol rënia e temperatuve dhe rol të rëndësishëm ka fillimi i një qasje pozitive të abonentëve familjarë për ta kursyer energjinë. Ditët e fundit kemi pasur përmirësim të nivelit në Fierzë dhe presim rrjeshje të tjera në fund të 10-ditëshit të parë të tetorit. Bazuar në këto kushte, ne vendosëm që kalimi i fashës 800 kilovat të mos hyjë në fuqi në muajin tetor. Ndërkohë të gjithë duhet të jenë të vëmendshëm që ta kursejnë sa më shumë energjinë”.

© SYRI.net

Lexo edhe:

Komentet

Shto koment

Denonco