Të mësojmë nga Mjeshtri i Madh, demokrati z. Osman Mula!

Të mësojmë nga Mjeshtri i Madh, demokrati z. Osman Mula!

13:04, 29/09/2022
A+ Aa A-

Nga Bujar Leskaj

Mësime shterruese nga artisti demokrat, të cilat duhet t’i  studiojnë, zbatojnë; të përfitojnë nga urtësia, kthjelltësia e qartësia e z. Osman Mula, të gjithë anëtarët e Kryesisë së PD, të Kryesisë Ekzekutive të PD, sekretariatet, (të cilët janë zgjedhur me dëshirën e tyre dhe jo me zor), deputetët e PD, (ne, të cilët u kemi borxhe pa fund demokratëve dhe qytetarëve që na votuan e na besuan) dhe çdo drejtues lokal dhe, veçanërisht, ish- drejtuesit e PD ndër vite:

1- Koha është gjykuesi më i mirë që na detyron të bëjmë zgjedhjen më të mirë. Janë ato që garantojnë fitoren nëpërmjet primareve. Por dhe primaret duhet të mos jenë të lobuara padrejtësisht.

2- Edhe ne në këshillin kombëtar duhet të jemi më prezent në jetën politike. Duhet të punojmë me koncept të ri që na dikton koha.

3- Ne duhet t’i themi votuesit se ne do ju kthejmë atdheun e humbur. Duhet t’ia shtojmë besimin shqiptarëve që Shqipëria BËHET.

4- Ne duhet të jemi në terren, të jemi aktivë dhe të besueshëm, të jemi të pranishëm në ekrane, në jetën sociale, në shkrime, në Facebook, të largojmë vesin dhe urrejtjen dhe të mos mendojmë thjesht për interesa personale dhe korruptive.

5- T’u krijojmë hapësirë të rinjve të shkolluar brenda e jashtë vendit.

6- Të punojmë me çdo votues dhe t’i bindim ata që secili të marrë përsipër të afrojë me dhjetra apo qindra demokratë.

7- Këshilli Kombëtar duhet të mblidhet një herë në dy javë dhe t’i vërë detyra secilit. Kush se bën, mund të mos ketë vend në formacion. Votën s’ta dhuron kush, por duhet ta marrësh. Kjo kohë kërkon qëndresa dhe ky ambient (selia e PD) duhet të jetë plot dhe jo si këto 3 muaj, që vetëm 10 fytyra kam parë.

8- Partia Demokratike ka nevojë për një filtër, që ruan ekuilibrat brenda me njerëz elitarë, me botë akademike që të shqyrtojnë projektet, që dalin nga departamentet duke i sugjeruar programe që nga kupola e gjer në këshillin kombëtar. Ky këshill quhet këshilli i të urtëve apo Senati! Po ta thonte ky këshill fjalën se do kaloni mbi trupat tanë, asnjë nuk do ikte nga fronti.

9- Demokratët qëndrestarë duhen shpërblyer në fund dhe jo siç ka ndodhur dhe shumë u lanë mënjanë dhe nuk iu njohën kontributet. Këtu fillon dhe fyerja më e madhe.

10- Duhet të fillojmë urgjentisht nga puna. Të mos fusim lojtarë që na shesin ndeshjen. Sidomos të përmirësojmë marrëdhëniet me SHBA, sepse ne jemi Partia pro-amerikane, anti-komuniste që sollëm pluralizmin në Shqipëri. Ne jemi perëndimorë!

Nuk ka nevojë për fjalë për fjalë të bukura. Të zbatojmë këto mësime të këtij artisti të madh, të këtij demokrati të pastër e të vërtetë, të përkushtuar e që veçse ka kontribuuar e asnjëherë nuk ka përfituar nga PD! Të mos i lodhim njerëzit me me fjali inflacioniste, Parti Konservatore, Parti Konservatore e Qendrës, etj, etj. Partia Demokratike është Partia Demokratike!

Sot më shumë se fjalët që përsëritim duket veprimi, aksioni, protestat kundër këtij sekti, krahas demaskimit duhet me forcë të shfaqim alternativat tona.

Partitë në Evropë dhe në Perëndim fitojnë për veten qytetarët e tyre dhe jo për ne!

Fronti i Shpëtimit Kombëtar është më i gjerë se PD.

Ndryshimi do të vijë nga një front i gjerë dhe aleancë me PL, partitë e tjera opozitare, Shoqërinë Civile dhe vetë qytetarët shqiptarë!

 

© SYRI.net

Lexo edhe:

Komentet

Shto koment

Denonco