Sekretari i Përgjithshëm i Partisë së Lirisë, Tedi Blushi ka reaguar në lidhje me falsifikimet dhe mashtrimet që janë bërë në drejtim të ish-presidentit, Ilir Meta pas akuzave se ky i fundit ishte një bashkëpunëtor i sigurimit të shtetit

Përmes një postimi në rrjetet sociale, Blushi ka deklaruar se ‘superfëlliqësira janë ata që falsifikojnë dhe mashtrojnë duke cenuar të drejtat dhe privatësinë e të përndjekurve nga ish-Sigurimi i Shtetit’.

Blushi ka akuzuar drejtuesit e këtij institucioni duke thënë se janë të papërgjegjshëm  në lidhje me deklarimin e rastit  të 3 gushtit, duke mos i kthyer përgjigje

Reagimi i plotë i Tedi Blushit:

Mashtrimi dhe falsifikimi i dokumenteve janë vepra të rënda penale, sidomos kur kryhen nga zyrtarë përgjegjës për mbrojtjen e autenticitetit të tyre.

Superfëlliqësira janë ata që falsifikojnë dhe mashtrojnë duke cënuar të drejtat dhe privatësinë e të përndjekurve nga ish-Sigurimi i Shtetit.

Të tillë jeni sa kohë keni shkelur me vetëdije dhe në bashkëpunim ligjet.

Ju që u vutë në alarm nga e-mail anonim i një sigurimsi VFLP dhe për një ditë bëtë 7 vendime dhe shkelët 6 herë ligjin, ju e dini shumë mirë se kush është I.M.

Ju që nga 3 Gushti nuk i ktheni përgjigje viktimës për të cilën u “alarmuat", ju jeni të korruptuar deri në fyt nga Edvin K. Rama dhe Larva e tij, me leje ndërtimi dhe ndërtime pa leje.

Turp që për hir të korrupsionit tuaj dhe të të afërmve tuaj mashtruat Kuvendin dhe opinionin publik.

Nuk keni për t'i shpëtuar kurrë dënimit ligjor!

Koha e sigurimësave dhe e patronazhistëve ka përfunduar njëherë e përgjithmonë!