Analisti Alfred Lela, i ftuar në emisionin ‘Çim Peka Live’ në Syri Tv deklaroi se kryeministri Edi Rama s’ka asnjë interes për sigurinë e vendit. Lela u shpreh se kreu i qeverisë e sheh Shqipërinë si një territor ku mund të bëjë gallatë.
Sa i përket sulmeve kibernetike, Lela u shpreh se Rama është përgjegjës për patronazhistët, të cilët nxorën të dhënat e shqiptarëve.
"Rama nuk e njeh aksin serioz të sigurisë së një shteti. S'ka asnjë interes për sigurinë e shtetit. E sheh si një territor ku mund të bëjë gallatë.
Rama e ka çuar në një kulm të panjohur, jemi një vend i pasigurt. 87 për qind e qytetarëve sipas IDM ndihen të pasigur nga kriminaliteti.
Iranianët e parë janë patronazhistët, që na nxorën të dhënat. Për patronazhistët është përgjegjës Edi Rama."-tha Lela.
© SYRI.net