Ballkani i Hapur/ Berisha: Projekt i Vuçiç, u thotë serbëve ‘është Jugosllavia e Vjetër plus Shqipërinë’!

19:35, 25/07/2022
A+ Aa A-

Kreu i PD Sali Berisha komentoi nga Fieri nismën e Ballkanit të Hapur për të cilën tha se është projekt i Presidentit serb, Aleksandër Vuçiç. Sipas Berishës, aktin antikombëtar të Edi Ramës nuk do ta pranojnë kurrë.

Rama insiston te Ballkani i Hapur. Ne e kundërshtojmë Ballkanin e Hapur si një projekt të cilin Aleksandar Vuçiç, jo Sali Berisha e deklaroi një javë pasi u firmos në Novi Sad, është Jugosllavia e vjetër plus Shqipërinë.

Këtu, ata që kanë lexuar e kujtojnë se si në ’45 Enver Hoxha bënte gjithçka për ta shndërruar Shqipërinë në ‘Republikë të shtatë’.

Dhe Vuçiç u thotë serbëve se kjo është Jugosllavia e vjetër + Shqipërinë. Kurrë nuk do ta pranojmë. Përveçse Shqipëria shndërrohet në një vasal, shkatërrohet përfundimisht prodhimi bujqësor në Shqipëri.

Edhe kështu është në shkatërrim e sipër e po ndjehen pasojat që në fillim. Janë rritur importet bujqësore serbe 250% nga vjet sivjet.

Në një kohë kur fermerët tanë djersijnë, kalben prodhimet, u falimentojnë serat, baxhot, pra rrokullisen. A mund të pranohet ky akt antikombëtar i Edi Ramës? Kurrë!”-tha Berisha.

© SYRI.net

Lexo edhe:

Komentet

Shto koment

Denonco