Opozita do të protestojë sot para Kryeministrisë, në atë që është konsideruar si protesta më e madhe e zhvilluar ndonjëherë.
Masat e marra nga autoritetet janw ekstreme. Kryeministria është blinduar e gjitha.
Dyert e godinës së Këshillit të Ministrave janë mbuluar me pllaka metalike që prej pasdites së djeshme.
Por jo vetëm te Kryeministria janë marrë të tilla masa.
Edhe Kryesia e Kuvendit është fortifikuar me veshje metalike.
Në videon që sjell Syri.net duken efektivët e gardës teksa testojnë me shkelma derën e hekurit.
Qeveria duket e shqetwsuar nga protesta e qytetarëve.
Siç edhe është mësuar tashmë, urdhri ka qenë i prerë për të vendosur mburoja çeliku në dyert e institucioneve që ndodhen përgjatë 'Bulevardit Dëshmorët e Kombit'.
Gjithashtu, Edi Rama ka urdhëruar rrethimin e Kryeministrisë me 1200 forca policore.
© SYRI.net