Nga Donika Haxhia
Kam lexuar diku se në kohë krize, rritet numri i servilëve .
I quajmë ndryshe lëpirës dhe janë lehtësisht të identifikueshëm.
Janë frikacakë dhe të paaftë, të paaftë për të jetuar dinjitetshēm.
Kanë dinjitet vemjeje, për sa neveritshëm na paraqitet kjo e fundit.
Dhe sa shumë që janë o Zot!
Sa më të shumtë ata, aq më pak liri, aq mē pak të drejta.
Jetojnë skllavshëm brenda dhe jashtë orarit të punës, të gatshëm për të buzëqeshur me batutat e eprorit e për t’u bërë gaztori i vendit të parë për të.
Këta janë të punësuarit në shtet, skllevër të nivelit të parë, të dytë… në varësi të rrathëve të pushtetit. Sa më pranë fronit, aq më e madhe skllavëria e paradoksalisht, aq më e padhimbshme, prej pasurisë sigurisht.
Pastaj vijnë mjeranët, ata që “mbajnë lart” egon prej të pushtetshmi të kategorisë më lart.
Mjeranët nuk i përkasin asnjë niveli, ata janë pa nivel, janë gaztorët e rastësishëm , preja e kurdogjendshme e arrogancës së të gjitha niveleve. Për ta, dhimbja e skllavërimit është bërë rutinë, nuk u dhemb më …
Por më dhemb shumë mua .
Më dhemb tek i shoh të këndojnë për atë që u shtrëngon lakun rreth fytit, pēr ata që i përdorin si objekte të një loje të ndyrë.
“ Kur loja bëhet e rëndë, të fortët zbresin në fushë.”
Po, duhet !
Me 7 korrik, qëndrestarët protestojnë.
Eja dhe ti, nuk je vetëm!
* Mësuese me profesion dhe Kryetare e LDG-së
© SYRI.net