Në “Drejt” në RTV Ora, deputeti demokrat Belind Këlliçi u shpreh se afera që ka çuar ministra dhe deputetë në burg, është ajo e incineratorëve.

Ai tha se që shpreson që shumë të tjerë të shkojnë në burg për këtë aferë dhe se SPAK ka në dorë tashmë edhe incineratorin e Tiranës.

Këlliçi: Afera që ka çuar ministra dhe deputetë në burg, dhe shpresoj që të shkojnë të tjerë në burg, është padyshim afera e incineratorëve. Kjo është një aferë e provuar me komision hetimor dhe prova. Suksesi i denoncimeve dhe i kauzave nuk varet nga liket që merr kryeministri në Facebook, por nga kauza dhe ndëshkueshmëria.

SPAK-u ka në dorë dosjen e hetimit të pazbardhur për incineratorin e Tiranës dhe nuk kam kompleks që ta them se vetë kryetari i bashkisë i Tiranës, Erion Veliaj dhe kryeministri Edi Rama janë të përfshirë kanë hedhur firmat e tyre.